[GRWTH書訪] 最愛閱讀大時代 — 莫乃光

男人的浪漫,可是以是一盒豆腐火腩飯,可以是一部賽車電影,也可以是一本書,就如立法會議員莫乃光。   男人的浪漫 每位男子總會有專屬的私藏,是興趣、是回憶,更是長大後在腥風血雨的社會中,留給自己一點點的心靈慰藉,一處自我療癒的空間。很多人稱之為「男人的浪漫」,而此「浪漫」,通常都逃不過被身邊女性抗拒的宿命。這種女性的加持,令整件事更添幾分只有巴打才懂的神秘感。就如莫乃光:「屋企冇書櫃,地方淺窄,同埋呢,我老婆會覺得好阻住。」於是他在立法會辦公室設立了自己的「私密基地」——他的書櫃。   在莫乃光身後的,便是他的「私密基地」。 對於普羅大眾,包括記者在內,平日透過鏡頭認識的莫乃光,義正辭嚴,尤其是近半年的「反送中」風波,政治人物無不神色凝重。但在鏡頭下,我們身處他的「私密基地」」中,看到的是一位在書櫃前卸下政治光環的平凡中年男子,在我們面前,拿出一本又一本珍藏書籍,逐本推介,侃侃而談,興致勃勃,幾近忘我,直至有一刻回過神來:「我都係鍾意睇呢啲書多啲,死火,我係睇呢啲,業界嘢呢就……」才驚覺一切已不可收拾,不知不覺間讓我們窺探了他的男人浪漫。   莫乃光翻一翻書櫃,捧出來的大多是政治或歷史書籍,在在透露出主人家的閱讀口味。   愛歷史政治書 莫乃光是立法會資訊科技界代表,上世紀八十年代在美國修讀電腦電機工程,曾在矽谷工作,九十年代回流香港,創辦互聯網供應商HKNet,又曾任多間IT機構的要職,活脫脫就是一位典型的IT人,卻沒想到他喜歡的,是歷史及政治書籍。 功利地分析,是因為從政,這類書籍有助建立論點嗎?「真係自己有興趣,而唔係令到自己叻啲。」他解釋:「係咪幫到?有啲係有用,但幫到又如何呢?我喺香港點用?我去立法會,嗱,呢本書講咩講咩(拿起面前的書本),所以就唔好叫人做『曱甴』?咁講真我唔駛睇呢本書,都可以講到兩句。」   以閱讀回應時代成了莫乃光的閱讀習慣之一,手中正是他近期讀物:Francis Fukuyama的《Identity: Contemporary Identity Politics and the Struggle for Recognition》。 他手中的書本是美國著名政治學教授Francis Fukuyama所寫的《Identity: Contemporary Identity Politics and the Struggle for Recognition》,正是他在去年五、六月正值「反送中」運動初期所讀的書籍。「書中講到現今世代政治議題爭拗、戰爭,都係源於身份認同。」他續道:「我係中國人、中國香港人,呢個係身份認同,甚至再窄啲,我係『黃絲』定『藍絲』,以至到警察話你係『曱甴』,你又話返佢係『曱甴』,某程度上係一種身份認同反映出來嘅政治。」   甘迺迪為偶像 莫乃光對歷史政治書籍的興趣,某程度是啟蒙於年幼時閱讀父親所贈的名人傳記,但更主要是留學時,受到美國社會氛圍的影響。   留學美國的日子,啟蒙了莫乃光對閱讀歷史的興趣。   「我去到美國嗰段時間係八幾年,啱啱係越戰啲嘢埋尾,慢慢走離嗰個影子,嗰啲流行文化電影,都係七幾年尾、八幾年初先開始出現。可能係嗰度讀書,接觸咗嗰啲嘢,就會有興趣睇返之前嗰十年、二十年嘅事。」他補充道:「嗰陣時,真係大時代。」 美蘇冷戰、學生運動、黑人平權運動、越戰,六、七十年代的美國,在國內外受不同的思潮衝擊。大時代中,美國出了一位馬丁·路德·金(Martin Luther King),兩位甘迺迪兄弟,全都遇刺身亡。   莫乃光手執的是由美國前總統吉米·卡特(Jimmy Carter) 親撰的《A Full Life: Reflections at Ninety》,講述了他這一生的故事,尤其是其執政期間的見聞。 「嗰陣時睇故仔,好多陰謀論,約翰·甘迺迪(John F. Kennedy)點樣俾人殺死,係咪俄羅斯特務呢,係古巴特務呢。從而對佢哋嘅政策、政見、立場有興趣。」而甘迺迪兄弟中,他較喜愛弟弟羅拔·甘迺迪(Robert F. Kennedy)。「近年,我再睇返有關嘅電影、書籍,我覺得幾有意思,講Robert點樣由一個公子哥兒,做咗聯邦司法部長後,去到南部地方接觸貧窮人口,呢啲經歷點樣轉變咗佢。」 說罷,他從書櫃中找出一本由Maxwell Taylor Kennedy 編撰的《Make Gentle The Life of This World: The Vision of Robert F. Kennedy》作介紹。Maxwell Taylor Kennedy是已故羅拔·甘迺迪的兒子,書中收錄了他父親的文章及演說,從而闡述父親的政治理念。   有關約翰·甘迺迪的歷史教莫乃光著迷。他手中的一本,就是Maxwell Taylor Kennedy 編撰的《Make Gentle The Life of This World: The Vision of Robert F. Kennedy》。 書櫃中的美酒 其實,莫乃光不只看英文書的。他少年時也曾追看金庸、古龍,而在美國留學時,曾因「六四事件」而訂閱《七十年代》雜誌及《星島日報》,從中關心時局發展。現在閒時,愛行山的他會看旅遊書,甚至會「閱讀」日文行山書,但當然像很多香港人一樣都是「看圖識字」。 莫乃光書櫃的「美酒」,不乏富中國文化的中文書籍。 不過,英文書始終是他的心頭好。若問他如只看一本書,他會推介哪一本?他說:「就係早幾年過身嘅英國大法官Tom Bingham寫嘅《The Rule of Law》。我記得本書有個重要嘅概念,就係法治係管有權力嘅人去執行權力,而唔係管冇嘅人、俾人管嗰啲。」 在書堆中的Tom Bingham《The Rule of Law》。 重要的事情要說三次,莫乃光在訪問中提及這本書不只三次。若以酒比喻,這本書就是他書櫃中的陳年威士忌、香檳王,或者是老一輩的XO干邑白蘭地,人生中非看不可,尤其生於當今亂世。   內容提供:GRWTH日報 撰文:《GRWTH日報》Irene Cheng 攝影:張逸康 刊載於︰GRWTH app

詳細內容