【GRWTH學術】淨係識用COVID-19？教你「肺炎」「隔離」6個生字
2020年無疑係難捱嘅一年，大家都飽受疫情困擾，身心俱疲。但喺疫情下，常用嘅英文大家又識幾多呢？除咗要識睇英文報紙、緊貼時事外，想睇得明公司嘅update email，或者想叫工人姐姐買支漂白水，都要對唔少新嘅英文字眼有一定認識。Tutor Circle尋補就整合咗以下跟疫情息息相關嘅英文生字，同大家一齊學習！ 內容提供：尋補 肺炎英文到底係咩 講到新冠肺炎，大家除咗知道佢係病毒（virus）之外，未必知佢叫咩名，其實有唔少字都可以用嚟形容肺炎： （圖片來源：https://images.idgesg.net/） 1. Coronavirus （新形冠狀病毒） 呢個係大家最常用嘅字，指新形冠狀病毒，用開嘅COVID-19就係佢嘅簡寫。 2. Pandemic（大流行） 呢個字係指「大流行」，喺世衛正式宣布目前肺炎狀況可以定性為「全球大流行（pandemic）」後，就被泛指疫情嚴重嘅情況。 3. Pneumonia（肺炎） Pneumonia指肺部出現發炎的症狀，即肺炎，不過要留意，肺炎只係COVID-19其中一個病徵（symptom），唔係受病毒感染就一定會有。 「隔離」的英文點表達？ 除咗病毒本身，亦有唔少疫情下衍生出來嘅生字 ： 1. Quarantine（隔離） 成日聽嘅14日隔離，英文就叫Quarantine for 14 days。 2. Lockdown（封鎖） 有唔少國家因為疫情嚴峻，都採取咗lockdown嘅措施，即市民除咗必要嘅返工或者採購食物，都唔俾出街。 3. Medical surveillance（醫學監察） 政府為特定群組豁免檢疫，但就要求佢哋接受medical surveillance，即醫學監察。 （圖片來源：https://cloudfront-us-east-1.images.arcpublishing.com/） 總結 總括來說，疫情嚴重，大家除要遵守防疫措施外，仲要記住：An apple a day keeps the doctor away，增強免疫力先可以遠離病毒！ 刊載於︰GRWTH app
詳細內容