【親子好去處】復活節全港10大親子好去處

2021年4月1日2021年4月1日 Lo Cyrus GRWTH社區, 復活節, 親子

話咁快便來到悠長的復活節了！隨著社交距離措施稍加放寬，好多家長都積極為孩子準備假期放電活動，共享天倫，而且又可以過一個充實快樂的節日！還未計劃假日活動的話，不妨參考以下的推介活動吧！

內容提供：《GRWTH日報》編輯組

1. AI 機械人體驗館 + 兒童才藝大賽

嚟緊復活節悠長假期，冇得去旅行，唔緊要！一於同小朋友嚟大埔超級城《AI 機械人體驗館》利用創新科技同人工智能打造，大互動體驗場景：AI機械人學堂、智能機械臂體驗區、變聲筒機械人及機械人運動場，讓小朋友寓遊戲於學習之餘，最緊要係放多啲電！仲有全港網上《eKids Stage才藝大賽》，即日至4月6日，歡迎3-12歲嘅小朋友將才藝表演拍攝成30秒至1分鐘的短片並上載（https://bit.ly/3w7VLH4），得獎作品仲有機會喺商場的大電視播放，成為電視中的主角！

《AI 機械人體驗館》
日期：即日起至4月30日
時間：12nn至9pm
地點：大埔超級城C區美食坊

《eKids Stage才藝大賽》
日期及時間：即日起至2021年4月6日晚上10時
對象：3-12歲小朋友
形式：可自行或組隊表演包括歌唱、跳舞、魔術、樂器、朗誦、戲劇等，並拍攝30秒至1分鐘短片。

2. 親子玩紮染 + DIY沐浴球

今個復活節想趁機會放慢腳步，同小朋友好好享受一下親子時光？利園兒童學院Xplore將與手作班房 Handmade Art Room合作，喺呢個復活節為各位小Xplorer同爸爸媽媽帶來「復活蛋沐浴球親子班」同埋「復活蛋紮染親子班」。

「復活蛋沐浴球親子班」可讓家長和小朋友一同製作自己喜愛顏色嘅沐浴球；而「復活蛋紮染親子班」就會使用唔同染料，製作千變萬化嘅圖案效果，訓練小朋友嘅創意。兩個親子班都適合6-10歲嘅小朋友同家長一同參加。（按此了解更多詳情）

復活蛋沐浴球親子班
日期：4月3日（星期六）
時間：下午2時至3時30分
年齡：6-10歲
地點：香港銅鑼灣軒尼斯道500號利園二期三樓Playdot
課程收費*：HK$300（每位小朋友需由一位成年人陪同參加）
*不包括Xplore會籍費用

復活蛋紮染親子班
日期：4月3日（星期六）
時間：下午4時至5時30分
地點：香港銅鑼灣軒尼斯道500號利園二期三樓Playdot
年齡：6-10歲
課程收費*：HK$300（每位小朋友需由一位成年人陪同參加）
*不包括Xplore會籍費用

3. 遙控車/擺鐘/木偶/故事 4大免仔主題親子DIY工作坊

為迎接今個復活節，銅鑼灣皇室堡的We Make Gift將推出多款兔仔主題式工作坊畀小朋友玩，詳情如下：

遙控車工作坊
●以黏土設計自己遙控車嘅造型，無論男仔定女仔都一定會鍾意。

熱氣球兔仔鐘
●一家人製作一個獨一無二的時鐘，成為有意思的家品擺設

兔仔木偶
●自製玩具，親子合力組裝

兔仔配對遊戲
●小朋友親手繪畫兔仔後，會用特別方法去製作背景：可以用兔仔+背景講故事，仲可以玩配對遊戲！係同屋企人慶祝復活節嘅不二之選。

地點：告士打道311號皇室堡3樓306號舖
查詢：5193 0573
按此了解更多

4. 去農莊探訪小白兔

復活節怎能沒有小白兔？不妨帶小朋友到小白兔農莊採訪小動物，親親大自然！小白兔農莊場地超過十萬呎，大草地超過五千呎，你可以欣賞動物，做做手工藝，親親小兔仔，更可以到戶外遊樂設施玩樂，有木製秋千、繩網陣、滑草板、海盗船、跳彈床等，讓你盡情放電。大小朋友還可以參加手工藝、花樣鳥結糖或小食工作坊，寓學習於娛樂，過一個充滿趣味又益智的復活節！

小白兔農莊
地址：八鄉橫台山永寧里芝麻嶺1號
開放時間：每天 11:00-18:00（需提早一天預約）
交通方法：港鐵錦上路站C出口離開，搭乘巴士54（上村總站方向）於芝麻嶺站落車，步行約5分鐘

5. 放電 + 學習黃埔天地刺激「飛馳STEM Challenge」

想俾小朋友寓學習於娛樂？黃埔天地今個復活節變身成為「飛馳STEM Challenge」樂園，透過不同種類的新STEM玩具，讓小朋友化身探險家挑戰任務，大考他們的創意、邏輯思考、計算等STEM知識，集學習、娛樂、消閒於一身，今個假期一定可以開心長知識！

【親子好去處】復活節全港10大親子好去處 — 參加融入工程動能、科技及精算原理的「動感遙控飆車」，小朋友可以透過手制遙距控制極速跑車，模擬在高速公路上飛馳的快感！

日期：4月13至14日及19至22日
時間：下午1時至晚上7時（或換完即止）
地點：黃埔天地時尚坊MTR層（港鐵黃埔站C1出口）
活動詳情：
●即場讚好黃埔天地Facebook專頁，即可免費參加「創意積木工程師」及「動感遙控飆車」。
●憑於黃埔天地任何商舖消費滿$200之即日單一機印發票，即可換領遊戲券乙張參加「越野飆車大挑戰」及「無人機遊世界」
按此了解更多

6. 齊集音樂／巿集／運動　發現號「動起來! 開心大笪地」

今個復活節，「發現號」聯乘多個團體，舉辦一連三日「動起來！開心大笪地」活動，內容涵蓋新興運動、橋底市集、音樂表演、親子健康工作坊等等，讓一家大細可以在疫情下輕鬆一下，歡度假日時光。

橋底市集
精選超過40個檔攤，過百款產品涵蓋食品飲品、服飾、手作、家居生活、寵物用品類別，一定搵到你嘅心水貨品。

運動大排檔
現場設有多款免費刺激的運動體驗，包括：直立板水池、平板賽艇水池、旋風球、室內賽艇挑戰等，想試下喺陸地玩水上活動嘅話就唔好錯過喇！（名額有限，先到先得，額滿即止）

「動起來！發現號大笪地」
日期︰2021年4月2（五）至4月4日（日）
時間︰12:00-18:00
地點︰發現號02及03（觀塘海濱道86及90號）
按此了解更多詳情及報名

7. 去淺水灣尋彩蛋

今個復活節淺水灣the pulse將舉行「繽蹦跳跳復活節彩蛋定向」，在一樓及二樓精心設置十個復活蛋捕獲點，顧客憑任何即日消費可換領一張彩蛋定向任務卡。彩蛋定向務求讓小朋友一邊蹦蹦跳跳，一邊動動腦筋，寓學習於遊戲。小朋友只需解出謎題或成功挑戰小遊戲便可獲得印章，集齊越多印章，贏取更豐富禮物。除了彩蛋定向需要小朋友去發掘之外，場內不同的小角落亦以復活節可愛造型氣球佈置一番，讓你與毛孩和色彩繽紛的復活節裝飾拍下賣萌一刻，換領限量寵物禮品。另外，4月5及6日更有由Hong Kong Living舉辦的「復活節本地手作市集」，獨有180度海景加上手作職人精挑的首飾，家居精品等等，必定讓你揀選到心頭好。

繽蹦跳跳復活節彩蛋定向
日期：2021年4月2日至6日
時間：13:00 – 18:00
換領任務卡地點：the pulse二樓禮賓部
彩蛋定向地點：the pulse一樓及二樓

Hong Kong Living復活節本地手作市集
日期：2021年4月5日至6日
時間：11:00 – 18:00
地點：the pulse三樓

8. 親手創作靚靚玻璃盆景

親手創作獨一無二的玻璃容器/酒杯/鎢絲燈盆景，精緻可愛，作為擺放家中的小擺設，幫助減輕生活壓力，激發孩子創意，又可增添你的生活品味！

課程內容：每堂人數︰2人成班
製作時間：1.5小時
上課時間：3pm-8pm（可於此時段內任選時間上課）
語言：廣東話/ 英文（如需英文上堂需個別電郵預約）
費用：$168至$468（視乎人數及容器價錢）
每個盆景材料包括：
– 1個玻璃容器
– 2類植物
– 2個公仔（1-3 cm）
– 2個配件（如甲蟲、蘑菇、貝殼等）
– 其他配件如裝飾石、裝飾沙、泥土
地點：葵青葵涌葵秀路11-15號蘇濤工商中心21樓B室Timeless Leather Workshop
報名：5220 9137（Whatsapp）
*請預早2日報名，需在備註填寫上課日期及時間。