[爸媽看招] 童年在激將下成長 前香港藝術體操界一姐王虹茵分享父女情
以冷落引發自省，以言詞激起鬥志，前香港藝術體操界一姐王虹茵的成功，全靠家中爸爸的非一般「激將法」。
認識王虹茵（Sharlene）是因為電視節目《後生仔傾吓偈》 。鏡頭前，這位後生女樣子甜美、眼神靈動，說話斯文卻又不失幽默感，近乎完美演繹一位主持面面俱圓、又可製造話題的角色。而實情是，今年二十五歲的她，對完美的追求，早植於兒時。
內容提供：GRWTH 社區 撰文：《GRWTH日報》特約記者李敏怡 攝影：由受訪者提供及取自受訪者 IG
活在點數世界
Sharlene記得小學三年級時，偶然被藝術體操班的優美姿態吸引，於是自薦加入訓練，自此便與這項運動結下不解之緣。由學校興趣班到全港精英隊，再到香港隊代表，一轉眼就是十一個年頭，直至中五退役。她的大半世人最擅長的，就是在限定時間內完美演繹每個動作，以點數勝出並活下來：「我哋差0.1分就係差0.1分。」她如是說。
九十秒內，要舞動絲帶、飛躍半空、凌空轉體，還要全天候展示可愛的笑容，不容半點失態。「外人睇係幾靚，但背後要付出很多。」那背後付出的，就是一星期練習四日，每次三小時，不停壓腿、壓腰，練腿力，練體能，日復一日又一日，台上精彩，台下重復又核版。再加上藝術體操講求身體柔韌性，於是，起步要早，早於童年。「我成個細路仔嘅生涯，就係放學、練習、做功課。」這位前香港隊代表說。
爸爸的激將法
「我覺得好多嘢都係我阿爸迫出來，佢好想我讀書有成績，體育方面又有成績。」
Sharlene是家中獨女，有一位望女成材的「港爸」。「我細個好憎佢。佢係好衰，我考試攞唔到好成績，佢會話咁渣㗎。比賽，我攞唔到冠軍，佢拎轉面行開。」想一想，續道：「其實可以話佢好衰，但係嗰場賽事，我又唔應該攞唔到冠軍。」
她記得四、五年級時，由於跟不上精英隊的訓練而被踢出隊，自己還未反應過來，爸爸已急壞了。「佢幾唔開心，係咁打俾我個教練問點解。我覺得好核突，踢出去咪踢出去，做咩事啫。但亦激勵到我，我立志要再入返去。」
就這樣一個願打，一個願捱，父女檔並肩闖天下。為了惡補基本功，Sharlene趁暑假回國內跟一位舞蹈老師學習，三個月後，再次參與精英隊的選拔，這次她以全場最高分入選，亦從此再也沒有被踢走。六年級時，更升上香港隊，成為香港代表隊一員。「嗰一刻我明白，阿爸都係為我好，係衰在把口。」
中五卸下光環
憑著父親這句格言，再加上自身的努力，Sharlene的運動員生涯在中三那年攀上高峰，在全國青少年賽個人全能賽中，摘下了季軍的佳績，突破當時香港藝術體操界的往績。「嗰時企上頒獎台，雖然係全國賽，但都會奏國歌，好似奧運，當刻覺得自己離夢想好近。」
高峰過後，下一站是奧運？不，是人生的低谷。「身體去到中五，如果想做一啲動作，根本練唔到，好多嘢都減退緊。就算每日都練，我都係鬥唔到外國嘅運動員。」身體柔韌性減退，加上失去了奮鬥的目標，Sharlene選擇退役。「初時半年，好似少咗個身份，有少少lost。好彩後尾讀返好個副學士，入返U，入到U就enjoy U life，慢慢地明白唔同階段有唔同身份。」她補充道：「但依家間中都會諗返起以前。」
放不低的還有爸爸：「佢好似覺得冇咗樣嘢。」她續道：「我地屋企有個相板，貼咗好多我嘅體操相，佢間中會講：『你睇吓你以前，好瘦㗎，最叻㗎。』」光環卸下，激勵女兒的習慣卻難改。
轉換人生賽道
有些運動員退役後，會選擇當教練，但Sharlene思前想後，覺得人生要有不同的嘗試，所以大學畢業後，加入電視台，展開新一頁。「其實我阿爸幾想我做港隊教練，但我以前做運動員時，二、四、六、日訓練，我依家二、四、六、日教，好似冇乜分別，有少少想跳出呢個圈，試吓啲新的嘢。」
如今Sharlene入行兩年，已有三個綜藝節目在手 ，包括《後生仔》、兒童節目《Think Big天地》及《勁歌金曲》，發展可說是不錯。而有趣的是，運動員與藝員之間，更有共通之處：「做運動員時，我好想去奧運，但我知我個程度去唔到，我咪收近目標，參與國內賽事，朝著呢個目標努力練習。」當藝員亦然，她說：「我會知道唔可以急，要慢慢來，慢慢去話比人哋聽，我係有能力。」
那麼，父女檔是否已經解散？怎麼會！「佢同我講：『你要堅持，好多人依家咁叻，都係兒童節目出來』。」Sharlene，這一句「港爸」格言，你記住了未？
