【爸媽看招】區永權：「不做完美爸爸，只做隨時相伴的爸爸！」

2019年12月24日2019年12月24日 Lo Cyrus GRWTH社區, 區永權, 親子

要數娛樂圈中的幸福爸爸，區永權（Albert）一定榜上有名。不信？且往他的臉書掃一掃，經常放送親子生活照，旅行啦、看日落啦、學騎單車啦、慶生啦、甚至連兒子「甩」牙實錄都有……一家四口總是樂融融。問他不怕沒私隱嗎？他嘴角一揚，爽然笑道：「唔怕，社交平台都係一種快樂嘅分享。」從他由心而發的笑容，便知道有種快樂叫做「有仔萬事足」。

慶幸生兩個

今年是Albert跟太太Clara結婚十周年。十年如昨天，Albert仍記得結婚一周年，收到太太送來的驚喜禮物，就是一句「我有咗！」。

結果，大兒子Aidan就成了兩人婚後第二年的大禮，而更驚喜的是同年幼子Ambrose因為早產五星期，巧合地與哥哥同年出生，大兒子1月，小兒子則12月。

一年抱兩，好事成雙，不過對Albert和太太來說，生兩個是計劃之外的事。起初新手上路，Albert全靠陪月姨姨教路，換片餵奶等等育兒技巧，統統邊做邊學。他笑言以前兒子們還幼時，一家四口赴會經常做「遲到大王」。湊仔辛苦人所共知，但Albert談起湊仔經，總是笑瞇瞇。

「我好中意湊仔，亦慶幸生兩個！因為生一個，所有重心都放喺一個身上，對彼此都唔太健康。」Albert原生家庭有一兄一妹，太太亦有一個哥哥，「始終喺成長裏有兩個或以上會好啲，佢哋會學識嗌交、爭玩具、學投訴，從中學點樣compromise，呢啲都係成長過程。」

彌補童年缺失

結婚十年，二人世界只佔十分之一，其餘全是熱鬧的親子世界。Albert笑言今年結婚十周紀念，終有機會跟太太享受三小時的「撐枱腳」。「試過有幾次我提議爸爸媽咪自己去旅行，兩個仔好快就話『No！』。」

看似少了自由，但其實Albert很珍惜親子時光。身為電視節目主持人和專業司儀的Albert，工作排得密麻麻，不過只要不用上班，他幾乎把所有時間留給妻兒。像兒子們放長假，一家四口就去旅行；今年暑假又抽空帶妻兒學騎單車；早前學校停課，他爭取時間跟兒子們玩，替他們溫習；近期兒子倆迷上周星馳電影，他又會陪睇陪笑。「點解我咁中意同佢哋一齊，就係細個無嘅嘢，而家好想有。」

Albert成長於七、八十年代，童年記憶裏，父母很努力工作賺錢養家，一家五口總動員上街的畫面僅只一次。那種「手停口停」的無奈，他自小已懂。如今Albert由人子變作人父，更懂得用心、用時間來建立父子情，以彌補自己內心的洞口，亦滿足兒子成長所需的父愛。「我唔求自己做完美爸爸，淨係想做可以隨時陪佢哋嘅爸爸。」

因材栽培　不再迷失

踏入12月，小兒子剛8歲，大兒子下月也9歲了。他們在不同成長階段各有挑戰，Albert不諱言在教養上跟太太曾有過迷惘期，擔憂兒子們輸在起跑線，於是替他們報讀不同的興趣班和補習班。「佢哋試過上數學班，上堂淨係教由1數到100；過咗一排，我覺得唔對路喎，我自己都唔會咁教，同埋佢哋根本無興趣，我就問自己點解會咁迷失？」

想當年，大學時的Albert是熱血青年，人生目標清晰。「我開始學結他，喺讀理工嗰時。細細個嗰時已好想學，不過環境唔容許。」直到升上大學，認識了開辦結他班的學會，他爭取機會報名。「嗰時好多同學俾曬錢，學學吓唔學，得我一個堅持到。」他對音樂的熱情，從來不是逼出來。

大學畢業後一年，Albert為追尋音樂夢，與友人徐繼宗、陳鳳跑到台灣夾Band出碟，當時沒人脈，經濟又拮据，發展三年未如人意，不過捱過的苦卻沒白費，令他更為獨立、成熟，亦造就他今日成為獨當一面的主播。寶貴的人生經驗不時成為今日的提醒：「我悟出，只要你想，唔論你幾多歲，你一定會想去做，仲係一定做得到！教細路都係一樣，我問佢哋想唔想繼續學琴，佢哋話唔想，我就cut咗佢。佢唔想學琴，逼佢都無用；除非佢好有天份，我就會引導佢。」後來，大兒子主動提出學畫畫，小兒子說想學打鼓，他和太太都一一支持。